Tabi bala menyadi,betemu baru kitai sekali tu,ba awak ka bisi tu aku mai bala kitai berandau ka pasal SCORE siti ari langgur pemansang ka chukup besai ba Menoa kitai.Tu meh siti agik juluk ati perintah lalu sebengkah ari Perembu ke 2 Politik Pembangunan YAB Kepala Menteri kitai.Enti nitih ka langgur ka dipansut ka Ketuai Penyading Penemu SCORE Ybhg Datuk Amar Wilson Baya Dandot,pemansang SCORE tu ila deka mai penguntung ka chukup besai ngagai kitai di menoa Sarawak kelebih agik ba pengawa puang lalu nyadi pemantak ekonomi ka menoa kitai lalu dijangka 50 Ribu peluang kerja deka diperembu ba SCORE tu ti nyangkaum macam-macam langgur Pengawa Tenikal enggau ka bukai.Asai aku mupuk meh kitai bala Dayak ngatur diri enggau orang berebut ka ikan ba Lubuk tu lalu bersedia ari diatu nyikap Ripang enggau nubuk ikan lebuh orang mai kitai nyepuh ka tubai ila.Anang kitai jugau laban SCORE tu meh lubuk pemansang ti mai pemujur ka menoa kitai Sarawak.YAB Pehin Sri Abdul Taib Mahmud udah ngatur juluk ati ka chukup besai ngemasang ka Menoa kitai.Beri meh ruang kitai maju nuju Pemansang
Tiada ulasan:
Catat Ulasan