Tabi ka semua bala kitai dayak,udah 45 tahun menoa kitai Sarawak dikumbai Merdeka Dalam Malaysia lalu kitai meda ubah pemansang menoa chukup manah.Udah Sarawak lepas ari perintah koloni kelia diak kitai meda menoa Sarawak ditinggal ka orang putih tauka "Raja" ko kitai iban enggau nadai pemansang.Udah Langgur berakub dalam Malaysia 16 September 1963 dipejadi ka kitai belabuh meda ubah pemansang menoa sampai ka sahari tu nengah 5 Kepala Menteri.Taja 45 tahun udah Merdeka tang agik bisi bala kitai dayak bedau tinggal nepan perau pemansang menoa tu ketegal penemu kitai enda berubah sereta lembau ngubah diri.Beduduk ari tu,sama-sama meh kitai Dayak lebih agik kitai iban berubah sereta ngubah diri berakup enggau perintah kitai.Pintu pemansang udah dibuka nengah Politik Pemansang YAB Kepala Menteri kitai Pehin Seri Datuk Patinggi Haji Abdul Taib Mahmud lalu kitai patut gaga laban Niang Apai kitai Tun Tan Sri Temenggung Jugah Anak Barieng udah matak jalai ka kitai disambung YB Tan Sri Dr Aflred Jabu disagu ka YB Dato Seri Dr James Masing enggau YB Dato Seri William Mawan sereta tuai bukai.Baka buluh selur rebung bakanya meh kitai.1Malaysia langgur penemu ti chukup menyana ka dipansut ka YAB Menteri Besai kitai Dato Sri Najib Tun Abdul Razak ti mai kita rayat menoa Malaysia sama bergulai nuju pengelantang lalu kitai Dayak sigi diampit ka orang ungkup ka sama bela.Aram meh kitai bergulai sejalai nuju pemansang
Tiada ulasan:
Catat Ulasan