Tabi bala menyadi,sekali tu aku mai bala kitai sebuat berandau ka pasal pemansang sereta gaya peniau bala kitai iban kelebih agik ia ka udah di nengeri.Bala menyadi,enti kelia kitai iban tu endang terbilang ga nama kelebih agi maioh endar bujang berani kitai iban baka Rentap,Balang,Penghulu Asun enggau ka maioh agik.Kelimpah arinya,bisi mega nama pungka laki kitai iban mega ka pegari baka Apai Tun Jugah,Aki Temenggong Koh,Niang Datuk Peter Tinggom,Aya Kanang Langkau sereta sida ka bukai.Tu meh tanda kitai iban tu ukai ga bangat nadai rita tang diatu nembiak rebak baru kitai iban nyau majak jauh ninggal ka bansa diri lebih agik enti udah idup di nengeri.Penanggul tu patut amat diperati ka bala kitai iban laban enti kitai ka mansang endang patut amat kitai nyikap diri enggau penemu sereta penyakah ka tegap lalu ngembuan kaul dalam raban bansa kitai empu teguh ka agik.Diatu maioh anak kitai iban mupuk ngidup kadiri di nengeri tang enda kurang ka datai di nengeri semina tak gegendai lalu nguji nyabung penemu ka empai chukup ti lalu ngujung ka bala kitai iban nyau terkapa-kapa sebelah nengeri.Empai lama tu,YB Dato William Mawan madah ka maioh bala kitai iban pindah ke nengeri lalu idup sebelah rumah "Apong" lalu diau merinsa sereta bisi berkaul enggau kerja ka enda manah.Bala menyadi,ka tauka enggai kitai iban patut amat berunding panjai sebedau mindah ari menoa asal kitai ke menoa moden ko orang diatu,reti ia kitai ukai semina mai kantung aja tang ka bendar agik kitai mesti udah nyikap diri enggau pemandai,pengelandik,pengeransing ati,penyakah sereta pengerajin lalu ukai semina ka nyadi "Pemabuk".Enti kitai udah sedia nyikap diri menyadi nya baru kitai iban enda sagu sagam sereta enda mudah rebah lalu tau berdiri baka orang bukai.Aram bala menyadi mupok kitai diatu nyikap diri anang nganti agik laban jarum jam sigi semampai bejalai lalu Hari berganti enda nganti lalu taun bersilih nadai pulai agik.
Tiada ulasan:
Catat Ulasan