Iban Anang Lembau

Tabi Bala Menyadi,

Sekali tu aku mai bala kitai berandau mimit pasal bangsa kitai Iban ka agik lembau dipeda aku enggau orang berebut ka pemansang kelebih agik dalam pengawa bedagang ka besai baka pengawa ngaga Ladang Sawit tauka IKS( Industri Kecil Dan Sedarhana).Nyadi bala menyadi tu maia kitai mupok ngatur pemansang ruang bilik lebih agik dalam tikas penatai pemisi ruang bilik.Anang nunggu agik kitai menyadi laban diatu kitai bisi DCCI ka alai kitai ngiga tenggau ka jalai kitai dalam dagang laban Dewan Perniagaan Enggau Industri Dayak tu cukup beguna ba kitai Dayak lebih agik kitai iban ka agi kapa-kapa ngiga penemu ka pengawa dagang.Aku ukai meransang kita aja tang semoa tu ke peransang aku mega laban kitai iban selalu amat enggai kiruh lalu bepegai ba penemu " Enda alah tunda" enti bakanya kasih kitai ila lalu tinggal ari bansa bukai ka udah maju jauh diluan kitai.Anang kitai Dayak lebih agik kitai iban lembau laban nadai orang ulih nulong kitai bansa enti kitai enggai nulong diri dalam ngemansang ka bansa.