Kena 10.10.2009 tu kemari,diak deh Menoa kitai Sarawak udah di pilih palan alai ngepun ka pengawa Nyambut Hari Malaysia keterubah ia enggau ngelai 46 tahun Penyerakub Malaysia udah dipejadi ka kena 16 September 1963.Leboh bejadi pengerami tu,dia deh 08 iko orang ka pungka laki enggau 2 indu tampun puji udah dipilih nerima tanda basa ka chukup besai ketegal penaluk ati sida enggau Tuai ka duluk suba nundok ka Malaysia ari perintah besai ti dikenatai ka YAB Datuk Seri Mohd Najib Tun Razak Menteri Besai Menoa Malaysia lalu siko indu tampun puji bangsa Iban udah dipilih antara orang ka diberi basa nerima tandanya endang ukai orang bukai agi enti enda Datuk Tra Zehender@Philiomina Anak Jemat, Bekau Ketuai Majlis Adat Istiadat Sarawak ka Suba lalu indu iban keterubah nyadi Temenggung lalu keterubah mega nyadi Kaban Kaunsil Nengeri Sarawak ba Tahun 1960.Datuk Tra tu meh indu iban ka patut nyadi keteladan anembiak rebak diatu.Pengawa besai ka udah di kereja ia,Datuk Tra meh orang ka minta ba Kunsil Nengeri Sarawak bejadi ka Hari Gawai Dayak disambut genap tahun satu haribulan enam lalu bejadi ka Hari tu kemisi ka Menoa Sarawak.Pengeransing ati ia mega udah nunduk ka Serakup Indu Dayak Sarawak tauka SIDS siti ari Gerempong Indu Dayak di Sarawak ka udah maioh amat mantu ngemasang ka Raban Indu Dayak lalu diatu di Tampung YB Senator Datuk Amar Empiang Jabu.Datuk Tra mega meh orang ka bebendar nusun tunggu lalu nyemaka ka adat-istiadat Iban Sarawak lalu nyadi Bup Undang-Undang Adat Iban ka dikena sampai saharitu di seluruh Sarawak.Datuk Tra baka indu Petara ti dikumbai Kumang Seduai Lulong ka ayan nyeruga dipeda mata ketegal pemesai pemanah pengawa ia ka bangsa.Basa perintah tu mega ka Datuk Tra basa ka besai ngagai kitai Iban di Sarawak.
Tiada ulasan:
Catat Ulasan